"O Conselleiro" é un Salgueiro

A verdade e que, o noso Conselleiro ( o que "Aconsella") de ser un árbol, ben podería ser un Salgueiro. Segunda wikipedia: "Non soporta as temperaturas extremas e gosta dos lugares húmedos" ( Santiago D.C. !!!!) . " Atópase no sur de Europa pero tamén se pode ver en Norteamérica" ( Encaixa!!!) . "É flexible e pesa pouco " ( Él , non hai dúbida)..." Se usa para facer mistos" ¿?

Non sei, igual non é moi boa  comparación...

Anyway, Anyhow..

O caso e que ultimamente esta que non para, o cimbreante de él. Aínda non recuperado da su transfiguración en "Cans" e enviounos xa a súa crónica do concerto de "Es un Arbol". Que si, es un grupo y musical y además está en él o noso benquerido "Heilis" !!!

¡FRANK ZAPPA VIVE!: "O Conselleiro Aconsella # 4"

" Es un árbol". Pub A Reixa, Santiago D.C. Martes 21.Maio. 22:30 

"¿Poden catro músicos posuir gran técnica individual cos seus instrumentos, amosala sen complexos, e adicarse a facer o humor máis surrealista?

Afirmativo.

Xa o mestre Zappa o reflectira así nunha das súas gravacións en directo, con video incluído ("Does humour belong in music?", 1985). E aínda que Frank Vincent Zappa finou en 1993 –ou seica precisamente por iso- estes 4 musicazos retoman o seu espíritu e converten o surreaslimo no fío conductor dun album e dun directo altamente orixinais: a cura de electro-shock que tantos anos levabamos agardando.

O local do concerto, cos seus muros de pedra e o seu son impecable, acolleunos coma sempre (gracias, A Reixa, por ofrecernos marabillosos concertos todas as semanas). E alí, co público a medio metro dos intérpretes, soltáronnos as súas puñaladas sónicas, e fixéronnos escachar ca risa cos seus cantos á política cultural oficial ("Subvención, subvención, no queremos subvención"), ca súa reinvención do himno galaico ("Fogar de Breo-gán-gán"), ou cun tango lisérxico adicado ao "seu líder" Gadaffi!

No seu repertorio en directo e no seu album ("La buena nueva") a banda trae lembranzas de varias décadas da historia da música, pero tamén son quen de facer "Chunda", un trance-dance aoutoparódico cheo de enerxía bailable ("No, con bambas no se puede pasar"), e levan o surrealismo ata o límite en "Leopoldo II", tema no que non podemos parar de rir ao oír o cántico dun texto extraído dunha enciclopedia, que nos divirte ao tempo que aumenta a nosa bagaxe cultural con detalles fundamentais da vida do rei belga, cuxa personalidade ficou determinada polo estramonio que lle botaron de pequeno no cola-cao -"Gracias, Es un árbol, por axudarnos a saír da ignorancia".

"Es un árbol" funciona marabillosamente coma conxunto, e tamén coma individualidades:

Na batería e coros, transmitindo toda a herdanza dos xeniais percusionistas dos anos 70, Sergio Álvarez, fundador no seu día dos míticos "Otro juego de té", e mestre de tantos músicos na cidade de Vigo.

Acompañándoo na sección rítmica, Mr David Santos, coñecido e recoñecido virtuoso do baixo nas bandas máis escollidas do país (os rachadores Doctor Harapos, ou os explosivos Cro!).

Na voz solista e na guitarra, Borja Fernández, cantante con "Es un árbol" e actor con diversos grupos teatrais, que non só canta senón que interpreta e comunica á perfección.

E na guitarra solista, quitémonos o sombreiro para saudar a Rubén Abad, instrumentista vertixinoso e vocalista ocasional. Pode ser salvaxe, despiadado, ou delicado, segundo a ocasión.

Por todo isto, e moito máis, que as torpes verbas deste o voso Conselleiro non alcanzan a transmitir, coido que "Es un árbol" é a banda con máis futuro de Galicia. Dende logo eles meréceno, e nós, o público, tamén. Son capaces de pasar da máis brutal descarga de watios á sonoridade cuasi-gregoriana das voces, e á dozura dunha frauta de madeira con resoancias das estepas siberianas, proporcionándonos o abraio, a sorpresa e a gargallada.

Por iso, unidos en coro universal, respondamos á pregunta do mestre Zappa:

"¿É a música lugar para o humor?"

"¡SI, POR FAVOR!"

"Es un árbol" en Bancamp. Non o dubides e premeiqui

A Madriña Bless "Es un árbol" & Salgueiro Man too